पारडी मा पोवारी कविसम्मेलन भयेव संपन्न

Total Views : 418
Zoom In Zoom Out Read Later Print

     नागपूर तारीख २०/०४/२०१९ ला रोज शनिवार ला राष्ट्रीय पवारी साहित्य, कला, संस्कृति मंडल को पोवारी कविसम्मेलन भंडारा रोड पारडी को "मेहर सेलिब्रेशन"  संपन्न भयेव.

 नागपूर    तारीख २०/०४/२०१९ ला रोज शनिवार ला राष्ट्रीय पवारी साहित्य, कला, संस्कृति मंडल को पोवारी कविसम्मेलन भंडारा रोड पारडी को "मेहर सेलिब्रेशन"  संपन्न भयेव.

      कार्यक्रम की सुरुवात लगभग ०३:०० बजे माय गडकालिका व राजाभोज को प्रतिमा को पूजन दीप प्रज्जवलन, माय गडकालिका की आरती करस्यानी भयी. 

 

 कविसम्मेलन का संमेलनाध्यक्ष आदरणीय लखनसिंह जी कटरे (ज्येष्ठ साहित्यिक) होता. उदघाटक म्हणून श्री मोतीलाल चौधरी (उपाध्यक्ष, क्षत्रिय पवार महासभा), प्रमुख अतिथी म्हणून आमरा राष्ट्रीय पवारी साहित्य, कला, संस्कृति मंडल का राष्ट्रीय अध्यक्ष आदरणीय डॉ. ज्ञानेश्वरजी टेंभरे, विशेष अतिथी आदरणीय इंजि. मुरलीधर जी टेंभरे (अध्यक्ष, क्षत्रिय पवार महासभा), ज्येष्ठ पोवारी साहित्यक जयपाल जी पटले ...असा होता पाऊना होता.



      स्वागत पाऊना हिनको स्वागताध्यक्ष व पारडी पोवार एकता मंच का युवा अध्यक्ष श्री सुनील बिसेन इन न करीन व आदरणीय भाऊ, हिरदिलाल भाऊ ठाकरे इन न करीन, प्रमोद भाऊ पटले इन न इतर कार्य देखीन. 

       मग सत्कार समारंभ सुरू भयेव. संमेलनाध्यक्ष आदरणीय लखनसिंह जी कटरे (ज्येष्ठ साहित्यिक), राष्ट्रीय पवारी साहित्य, कला, संस्कृति मंडल का राष्ट्रीय अध्यक्ष आदरणीय डॉ. ज्ञानेश्वरजी टेंभरे, व कविसम्मेलन का संचालन करणारा आदरनिय डॉ. शेखराम येळेकर इनको शाल, श्रीफल लका सत्कार करनोमा आयेव.

     

   मग भयी कविसम्मेलन की सुरुवात पयलीच कविता जो गझलसदृश्य कव्वाली म्हणून राष्ट्रीय सचिव श्री देवेंद्र चौधरी तिरोडा इन को " डोरा मा डोरा टाकुसु " पासून सुरुवात भयी. संचालन करणे वाला आदरनिय डॉ. शेखराम येळेकर इन् न बहुत ही मस्त संचालन करीन बीच बीच मा बिह्या का, महादेव का गाना शेर शायरी को रूप मा गायीन, अनेक कवी, कवियत्री इन न आपला कविता, गीत लका सभागृह को वातावरण आल्हाददायक करीन. आदरणीय डॉ. ज्ञानेश्वर जी टेंभरे, श्री मोतीलाल चौधरी इन न बी आपआपली कविता कयीन, पालिक गुरुजी न दिल जित लेईस, शेषराव भाऊ न बी दिल को बोज हलको कर देईन, ना आमरा बालकलाकार कल्याणी पटले इन बेटी माय बाप की शान से येको पर एक चांगलो उद्बोदन ना कविता कईन ना मास्टर फ़िरोज़ पटले वय ११ साल इन भी बहुत चांगलो "मी पोवार को टुरा" या कविता सदर करीन येन कविता साठी उनला माननीय प्रदीप भाऊ कोल्हे जी इन ५०० रुपयाको पारितोषित भी देईन. बालकलाकार भी स्व इच्छा लक आपलो संस्कृति ला जप रही से एको एक उद्हारण समाज को समोर प्रश्तुत करीन. असा  लगभग ३७ कवी इन् न हिस्सा लेयीन. कविसम्मेलन बहुत च मजेदार, रंगतदार, हमेशा याद रवन लाईक रहेव. डॉ. ज्ञानेश्वर टेंभरे इन न आपलो उद्धबोधन मा पवारी साहित्य मंडल की कार्यपद्धती अना रूपरेखा सांगीन.

      कोणी न पोवाडा, लावणी त कोणी न अलग अलग प्रकार लका आपली रचना प्रस्तुत करीन. विद्या बाई बिसेन न आपलो आवाज लका मन जित लेईस. श्री पृथ्वीराज रहांगडाले, श्री रमेश टेंभरे इनकी उपस्थित न बहुत रंग भरीस कविसम्मेलन मा. तसोच श्री सुरेश भाऊ देशमुख, डॉ. शेखराम बगाऊ येळेकर इन बी कविता आयकायीन.

        काही कविता संगीत को धुन पर थिरकत गयी. मग वोको बादमा "सुखवाडा" ई-दैनिक व मासिक कन लका प्रोत्साहनपर ५००, ३००, २०० रूपया की राशी ५ कवी इनला नगद देनोमा आयी.

       मग आभार प्रदर्शन हिरदिलाल भाऊ ठाकरे इन करीन सरस्वती स्तवन कर कविसम्मेलन की समाप्ती भयी. बहुत सुंदर संचालन डॉ. शेखराम भाऊ येळेकर जी न करीन 

       येन कविसम्मेलन हेतू *आदरणीय सुनील बिसेन, हिरदिलाल भाऊ ठाकरे, प्रमोद पटले, माणिक पारधी तथा पोवार एकता मंच पारडी का सपा सदस्य इन न बहुत मेहनत करीन उनला मोरो नमन से. तसोच पूर नागपूर अना अन्य पोवार समाज का मंडल उनका कार्यकर्ता इनको बी बहुत योगदान रहेव .

ना येन कार्यक्रम मा राष्ट्रिय मी पोवार डिजिटल संघटन ना राजाभोज टीवी इनको मीडिया सहाय्य भेटेव.

See More

Latest Photos